Amerika Aviasiya və Kosmos İdarəsi (NASA) bütün dünyanın həyəcanla gözlədiyi açıqlamanı verdi: Mars səthində maye halında su olduğu müşahidə edildi.
Tarixi kəşfi mətbuat konfransında dünyaya
çatdıran NASA-nın planetlər üzrə elmi direktoru Jim Green, "Mars keçmişdə
düşündüyümüz kimi quru və şoran bir planet deyil" dedi. Elm adamları
Qırmızı Planetin səthindəki vadiləri və dərələri bir vaxtlar sərbəst axan suyun
yaratdığını, 3 milyard il əvvəl baş verən iqlim dəyişikliyinin bu vəziyyəti dəyişdiyini
düşünürdü. Marsın səthində ilk dəfə olaraq 4 il əvvəl müşahidə olunan qara izlər
bunu düşünməyə imkan verir.
Mars mövsümlərinə görə baharda çıxıb, yazda böyüyən və payızda itən bu izlərin axar
su olduğu fikri nəhayət təsdiqləndi. Mars Kəşfiyyat Peykinin çəkdiyi görüntüləri
araşdıran tədqiqatçılar, dövri olaraq görünən izlərin duzlu su olduğunu müəyyən
etdi. "Bu gün Mars haqqındakı fikirlərimizdə inqilab edirik" deyən Green, atmosferin də proqnozlardan
daha rütubətli olduğunu bildirib.
Bundan sonra araşdırmalar suda mikroskopik həyat
ehtimalına yönlənidiriləcək. İnsanlığın Marsa ayaq basması üçün aparılan işlər
də planetdə su olduğu həqiqətini göz önünə alaraq keçiriləcək. Keçmişdə
NASA-nın Mars proqramının başında duran Doug McCuistion, "Bu, insanların
Marsa getmək prosesini sürətləndirməsi üçün oyunun qaydalarını dəyişdirəcək
xarakterdə bir inkişaf ola bilər" deyir.
Mars səthində donmuş halda su olduğu uzun müddətdir
bilinirdi. NASA-nın
Mars səthini tədqiq edən Curiosity aparatı, ilin ilk
aylarında bir çox nöqtədə duz molekulları aşkar etmişdi. Bunun üzərinə tədqiqatçılar, duzun donma və
buxarlanma dərəcələrini dəyişməsi sayəsində Marsın seyrək və soyuq atmosferində
maye halda su ola biləcəyi fikrini daha çox gücləndirdi.
Xəbərin paylaşımı zamanı saytımıza istinad mütləqdir.
0 yorum:
Post a Comment